12月係康傑返N班啦~

阿仔今年12月要返N班啦~

其實之前一直都無諗住讀，不過見阿仔言語發展比較慢，所以一向嘅態度都係有學校收就佢讀啦！細仔真係好被動！無奈！

今年我都係會幫佢報K，睇下下年有冇學校收佢！

其實今次讀Ｎ都係意料之外，因為都無諗過有學校仲有學位俾插班生，我都係打電話去試一試！

話說我諗住幫阿仔報馬鞍山康傑Ｎ／Ｋ班，但報前我又好奇咁打去問下收唔收插班生！

原來如有位都係俾後備嘅學生讀！但好好彩地我上年有幫阿仔係度交過Ｎ班入學申請表，仲要係過晒申請日期去交嘅><（但一直都無收到面試資料）

咁老師叫我留低資料後，話幫我Check下再call我。點知好快地第二日收到主任電話，話Ｎ下午班仲有位，叫我第二日去面試～嘩！好開心呀～啦啦聲請假～緊張咗成日～

第二日好準時咁去康傑面試啦～

成個面試過程都好輕鬆，主任主要係睇下阿仔識唔識聽指令、收拾玩具。但阿仔一見到個波波就好興奮，成程都係度踢波。不過都有聽主任講坐低、收拾玩具！

而好快，第二日學校已經打俾我話收我個仔啦～ＹＥＡＨ，好開心！雖然有媽咪話私校叫得你去ＩＮ，收嘅機會都好大～但點都有莫名嘅緊張！收到電話真係鬆晒！

我仔依家22個月，都係唔肯講嘢，但佢完完全全聽得明你講咩。所以聽指令佢都係ＯＫ架！所以哩方便我都好擔心，希望佢返咗學對佢講嘢方面有幫助啦！

馬鞍山嚟講，我自己都比較鍾意康傑，因為佢校舍好靚，師資方面都唔錯。但就係地方唔多就腳！因為仲細，奶奶都話會親送佢返學！

BAO BAO ISSEY MIYAKE 分真假 (經驗分亨)

BAO BAO ISSEY MIYAKE

一個好Hit 的袋款~
我之前一直覺得一個膠袋，賣幾千蚊覺得唔值哩個價！但當我睇到桃紅色的袋款後，對這色一直念念不望～其實我真係好少用這色架，覺得好難襯!

但真係好鍾意，但又覺得太貴，唔捨得買～於是，我係二手group買咗個，好抵$1000，8成新左右！

 用咗後發現真係幾好用，好輕！又唔覺得隻色好難襯喎！特別係落雨時用，唔使驚個袋𣺝，二手買到真係好值！

但講真～我又係真唔捨得用幾千蚊係香港買～但咁就中咗招啦～～～  最近買咗個10x10 白色令面疑似假袋~

之後，我一直都心思思想買個令面白色10x10，而咁啱我係FB睇到間代購出POST 賣$1190，嘩，價錢真係好𥄫睛，因為之前哩間代購都幫襯過一次，所以無問再問詳情，咁就買咗！

但當我收到個袋後，發現同我原有的袋好唔同，而且無塵袋、拉鏈袋內無Tap -哩個Tap係一個分別真假的最重要關鍵！而我都上網睇過資料、問過人、而且我仲親自致電香港專門店問過，佢哋o既袋款無論咩年份都會有Tap，佢哋都答係 ! 而2016年後出o既袋款仲會多咗個雷射標籤 !所以，無Tap o既Bao Bao好肯定係假嘢~

最搞笑係當我向代購查詢時，佢仲口口聲聲話個袋一定係日本買，唔知日本有假嘢賣，真係好天真呀～～～

真袋

Tap係關鍵

假袋：

保證書上無型號號碼

 袋身好太令

入面係膠

品質太差

做工太粗糙

其他參考資料:
Bao Bao website

http://www.baobaoisseymiyake.com/zh-hant/catalog.html

分真假：
https://www.youtube.com/watch?v=Z31n-65g8m8

蘋果教分真假
http://hk.apple.nextmedia.com/realtime/magazine/20150213/53431118

婆媳關係

其實好感恩，因為我嫁咗個好奶奶．．．哈！
我成日講，嫁個好老公，不如嫁個好奶奶，哈哈哈！！
我奶奶真係好好架～因為佢性格好溫馴
同老公拍咗10年拖，結婚同佢一齊住哩３年，都未見過佢發脾氣！
我脾氣咁難頂佢都頂得順真係好好架啦～哈！

相處好同住難，其實都係架！因為2個唔同性格或生活習慣唔同O既人要突然之間同住埋一齊，真係要一段時間適應架～而且大家都要有好好O既包容度才可 ！講真，我自己都唔敢話我同我老公好夾啦～而我又唔係一個好勤力O既人~係屋企，我都比較少幫手做家務！有時會覺得，如果幫得太多，佢會唔會覺得我搶埋D嘢做 ? 唔做又好似唔係咁好咁?同埋放假有時我都瞓到好晏，我奶奶對我無微言，當然我唔知佢係我背後有冇講啦，但我都唔想咁諗！可能諗得多可以當真O既都唔定，竟然唔知就唔好諗啦！

懷孕、坐月期間、到依家，我奶奶都係視我如半個女咁，愛烏及屋！

懷孕期間我想食咩都煮俾我食，我一出聲佢就會煮，依家都係架！
食完晚飯去散步，老公唔得閒佢都會陪我！唔俾我做家務！

坐月時好早就起身煮早餐俾我食，夜晩幫我湊小朋友，讓我有多D時間休息！

依家幫我湊小朋友，我一句話要出街就出街。食完飯仲讓我同阿仔玩～

其實真係要將心比己，你點對佢，佢就點對你！俾奶奶湊一定好過俾工人湊吧（當然有Ｄ媽咪係逼不得已）

而我有咩都會直接講出嚟，一家人嘛，點解要將Ｄ嘢收收埋埋？如果你唔講，佢又點會知呢～好似同老公O既關係一樣啫嘛~

而我都聽到D媽咪真係好唔鍾意個奶奶，幫手湊之餘仲唔想奶奶錫下個孫，當然一家唔知一家事～我覺得有人錫個仔，好過無吧！

多Ｄ包容，真心對待才能長久喔！

對嗎！

懷孕回顧(1) - 妊娠糖血

好耐無上嚟啦，因為我已經係一個媽咪啦～嘻嘻

係仔嚟，依家都20個月啦~時間真係過得好快呀~~~~

而係整個懷孕過程中，都算舒服，孕吐都比較少，只係唔開胃，同埋都係嘔咗1-2次左右！

因為我係瘦底，所以都無咩點重到～

但好可惜，萬萬意想不到o既係，我竟然中心姙娠糖尿呀～～天呀～真係晴天霹靂呀！

我又唔係肥咗好多、又唔係高齡、但竟然中咗～9.7左右

不過醫生都話有時係因為胎盤影響都唔定～

咁都已成事實，所以我都接受咗，而且好乖咁聽醫生姑娘o既指示啦~

每星期指定時間吉手指測血糖～

有好多媽咪都話血糖餐都係食唔飽～但其實我發現，係可以食飽架～

只要每餐食完之後一定要散步半小時，又唔一定係落街行～

到咗後期，我自已只係o係屋企散步半個鐘都可以Keep到呀~所以大家要加油~

而妊娠糖血機我買咗哩部：其實有D媽咪會租，價錢其實唔差得遠，所以最後都係決定買啦～

一星期拮3日，每日拮3次，係食完飯後2小時要Check，到咗後期，真係拎起部機都驚，但為了BB，無計！

係婚禮中幫襯過的公司，覺得幾好，係度分亨下：

1)     婚紗衣服：

婚紗：欣蕎。衫新，態度好，係我還衫時發現條裙有鈎線，佢哋處理咗都ok，

無叫我賠錢。

姊妹裙：皇后嫁衣。老闆娘有商有量。如果有咩要求，都會盡量配合，好好

人，而且每次都無唔耐煩。

2)     化妝：Airnot Bridal Atelier

哩個化妝師真係唔話得，由Book佢開始都一直有同佢保持聯絡。有任何護膚的問題都有問佢架，佢都好好會好快咁reply。真係唔話得

3)     攝影：Lumiere Photography：

       好好，而且係計劃婚宴過程中，有咩問題，有任何問題都會即時覆。而且幫你諗埋一份。

婚後感

終於完成咗個婚禮啦~

其實講真, 結咗婚O既感覺真係唔係好大添...嘻嘻

而果日真係好多謝我2位姊妹~

一個婚禮順唔順暢, 真係要有班好姊妹幫手先得~

而以下係我個人O既少少Tips, 希望幫到大家 :

1) 姊妹工作安排:

a) 安排1-2個做 in-change, 俾佢知道你成個流程, 物資及你想點。當日係晚宴度佢可以決定到D  
    嘢。等酒樓或其他人唔使煩到你。如果你的姊妹、兄弟團中有親戚擔當, 而佢又係醒目仔女,     由佢做哩D角色最好不過。

b) 安排1-2個姊妹負責新娘O既衫。如果婚紗及晚裝度係借衫時跟咗衣架同衣袋的話, 
    最好係當你換衫時有姊妹即時幫你掛返好D衫, 跟返衣架同衣袋。

c) 如果有鮮花球及頭花, 安排1個姊妹負責照顧養水。記住要準備養水o既容器、花剪及噴水工 
    具, 哩D都可以係Jusco 10蚊店搵到。

2) 物資方面:

最好有喼可以裝到D嘢, 之後用張紙寫清楚所裝住O既物資。而且Mark低個喼會係邊度出嚟

如 :  女家 -> 男家 -> 婚宴場地

最好有姊妹知到你D嘢放係邊同埋Total有幾多樣嘢。如果可以, 請佢哋去你家幫手執嘢^^

最重要: 

新娘子們不用太緊張, 因為只要相信: 一切都會搞得掂就得架啦~^^~

同埋當日如遇到不順心o既事, 千萬不要發脾氣, 這會令到你身邊的人難受的。如果你身邊

有個可以令你cool down o既人選, 請同佢講聲, 如果見你神氣唔對路, 即要同你講返~咁就

ok 架啦^^

暫時係咁. 再補充

倒數10日

婚禮進咗最後倒數階段~

身邊o既朋友不停話我好緊張,好緊張~

可能係當局者迷吧

其實我並無哩個感覺~

係我心入面, 我只係想係婚禮前準備晒所有嘢~

到咗真係Big Day當日姊妹們可以知道清楚多D

可能我表現出嚟o既係唔一樣?

可能我真係太緊張了吧~

所以我決定, 放低所有嘢, 只負責扮靚靚就得啦~^^~

加油~